Son xəbərlər

10.05.2012
Azərbaycan prezidenti zəlzələ bölgəsində olmuşdur

AMEA Respublika Seysmoloji Xidmət Mərkəzi tərəfindən xəbər verildiyi kimi, bu il mayın 7-də Azərbaycanın şimal-qərb bölgəsində zəlzələ olmuşdur. Mayın 9-da Azərbaycan Respublikasının Prezidenti İlham Əliyev zəlzələdən zərər çəkmiş bölgənin sakinləri ilə görüşmək və təbii fəlakətin nəticələrinin aradan qaldırılması ilə bağlı görülən tədbirlərlə yerində tanış olmaq üçün bölgəyə səfər etmişdir. Azərbaycan prezidenti helikopterlə zəlzələnin episentrindəki ərazini seyr etmiş, Fövqəladə hallar naziri, general-polkovnik Kəmaləddin Heydərov Prezident İlham Əliyevə təbii fəlakətin nəticələri barədə ətraflı məlumat vermişdir. Azərbaycan prezidenti zəlzələ nəticəsində çoxsaylı dağıntıya məruz qalmış kəndlərdə əhali ilə görüşərək, təbii fəlakət nəticəsində əhalinin üçmuş evlərinin yerində dövlət vəsaiti ilə yeni evlərin tikiləcəyinin və ortaya çıxan problemlərin tezliklə aradan qaldırılacağını bildirmişdir. Qeyd edək ki, Azərbaycan prezidenti yerli sakinlərlə görüçdükdən sonra ərazidə olan dövlət rəsmiləri ilə iclas keçirmişdir. İclasda Fövqəladə hallar naziri, general-polkovnik Kəmaləddin Heydərov, daxili işlər naziri, general-polkovnik Ramil Usubov, Azərbaycan Milli Elmlər Akademiyasının Respublika Seysmoloji Xidmət Mərkəzinin baş direktoru Qurban Yetirmişli baş vermiş zəlzələ və onun nəticələrinin aradan qaldırılması ilə bağlı görülən işlər barədə dövlət başçısına məlumat veriblər.


17.04.2012
Güclü iqtisadiyyatdan lider dövlətə: Azərbaycan seysmologiyası inkişaf mərhələsini keçir AMEA Respublika Seysmoloji Xidmət Mərkəzinin Baş direktoru, geologiya-mineralogiya elmlər doktoru qurban yetirmişlinin AzərTAc-a yazdığı məqalə

Azərbaycan istər yerləşdiyi coğrafi məkana, istərsə də apardığı uğurlu daxili və xarici siyasət kursuna, eləcə də inkişaf edən iqtisadiyyatına görə regionun lider dövlətidir. Bu gün regionda baş verən proseslərdə Azərbaycanın tutduğu mövqe və iradəsi böyük əhəmiyyət daşıyır. Bu isə ölkəmizin gələcək perspektivləri ilə bağlı daha böyük ümidlər yaradır. 1993-cü ildə Azərbaycan xalqının ümummilli lideri Heydər Əliyevin xalqın tələbi ilə hakimiyyətə qayıdışı ölkəmizin müstəqilliyinin qorunub saxlanılmasında qarant rolunu oynadı. Bir çox sahələr kimi Azərbaycanın müstəqilliyi dönəmində seysmologiya sahəsində əldə olunmuş uğurlarda Ümümmilli Liderimizin böyük əməyi və rolu olmuşdur. 2000-ci ilin noyabrında Bakıda baş verən zəlzələdən dərhal sonra Ümummilli Liderimiz Heydər Əliyev Respublikada seysmik xidmətin işinin modernləşməsi məqsədi ilə yeni cihazların alınması üçün göstəriş vermişdi. 2001-ci ildə ən müasir seysmik stansiyaların alınması uçun tender elan edildi və keçirilən tender nəticəsində ilkin olaraq, AMEA Respublika Seysmoloji Xidmət Mərkəzi ( RSXM ) üçün ABŞ-ın “Kinemetriks” şırkətinin istehsalı olan telemetrik peyk rabitəsi ilə işləyən 14 dəst telemetrik seysmik stansiyalar alınmışdır.


03.04.2012
Gürcüstanda seysmoloqlar üçün yay məktəbi keçiriləcək

NATO -nun Cənubi Qafqaz regionunda keçirdiyi layihə çərçivəsində Azərbaycanda səfərdə olan ABŞ və Gürcüstan seysmoloqlarından ibarət nümayəndə heyəti AMEA Respublika Seysmoloji Xidmət Mərkəzinin seysmik stansiyalarının iş prinspi ilə yaxından tanış olublar. Mərkəzdə görülən işləri yüksək qiymətləndirən ABŞ Yer Təhlükəsizliyi Tədqiqat Mərkəzinin direktor müaviniu Elen Vergino bildirib ki, Respublika Seysmoloji Xidmət Mərkəzi ilə 12 ildir ki, əməkdaşlıq edir. O, RSXM-də son illər baş verən dəyişikliklərdən məmun qaldığını bildirib. E.Vergino son texnologiyalardan istifadə etməklə Mərkəzin seysmik stansiyalar şəbəkəsinin işinin çox inkişaf etdiyini bildirib. “Burda hər şey yüksək səviyyədədir. Modern cihazlar, modern qurğular, gənc mütəxəssislər yetişdirilib. Burada çalışan gənc mütəxəssislər çox bacarıqlıdırlar. Inanıram ki, onlar gələcəkdə öz ölkələrinə çox böyük xidmətlər göstərəcəklər”.


02.04.2012
Azərbaycan, ABŞ və Gürcüstan seysmoloqlarının əməkdaşlığı genişlənir

Azərbaycan, ABŞ və Gürcüstan seysmoloqları arasında qarşılıqlı əməkdaşlıq və təcrübə mübadiləsi genişlənir. Aprelin 2-də tərəflər arasında həyata keçiriləcək yeni layihə ilə bağlı müzakirələrin aparılması üçün ABŞ və Gürcüstan seysmoloq alimlərinin təmsil olunduğu nümayəndə heyəti Azərbaycana səfərə gəlib. Nümayəndə heyətinə ABŞ-ın Miçiqan Universitetinin professoru Kevin Makkey, Missuri Universitetinin professoru Erik Sondvol, Arizona universitetinin nümayəndəsi con Nabelek, ABŞ Yer Təhlükəsizliyi Tədqiqat Mərkəzinin direktor müaviniu Elen Vergino və Gürcüstan Yer Elmləri İnstitunun direktor müavini Tea Godoladze daxildir.


Hörmətli həmkarlar!

Sizi Şamaxı zəlzələsinin 110 illiyi münasibəti ilə “Seysmiklik, zəlzələlərin proqnozu, tikililərin zəlzələyə davamlılığı” mövzusunda keçirəcəyimiz V Beynəlxalq Konfransa dəvət edirik.

Konfransın təşkilatçıları: AMEA Geologiya İnstitutu və Respublika Seysmoloji Xidmət Mərkəzidir.

Konfrans 07-12 oktyabr 2012 -ci il tarixində Bakı şəhərində keçiriləcəkdir.

Konfransın proqramı:

 07 oktyabr – Konfransın açılış mərasimi

 08 oktyabr - Qeydiyyat. Seysmologiya, Geofizika, Zəlzələlərin proqnozlaşdırılması və tikintidə seysmiklik bölmələri üzrə iclaslar

09 oktyabr - Sahələr üzrə müzakirələrin davam etdirilməsi

10 oktyabr - Konfrans çərçivəsində aparılan müzakirələrin başa çatması

11 oktyabr- Şamaxı rayonuna ekskursiya və konfransın başa çatması

12 oktyabr- Konfrans iştirakçılarının yola salınması

Konfransa təqdim olunan məruzələr ( mövzu və məqalələr) elektron variantda işçi dillərdən birində ( Azərbaycan, rus və ingilis dili) konfransın Təşkilat Komitəsinin science@azeurotel.com elektron ünvanına göndərilməlidir.

Materiallar  Microsoft Word redaktor proqramı ilə  Times New Roman şriftində, 14 şrift ölçüsündə, 1,5 intervalla  təqdim edilməlıidir. Annotasiyalar ( şriftin ölçüsü 12, interval isə 1 olmaq şərti ilə) məqalənin yazıldığı dil və ingilis dilində olmalıdır.

Konfransa təqdim edilən materiallar 01 may 20120-ci ilə qədər təqdim olunmalıdır.

 Registrasiya forması

Şamaxı zəlzələsinin 110 illiyinə həsr olunmuş “Seysmiklik, zəlzələlərin proqnozu,n tikililərin zəlzələyə davamlılığı” mövzusunda  V Beynəlxalq Konfransı ( Bakı şəhəri 7-12 oktyabr 2012-ci il)


A. A.S:_______________________________

Elmi dərədə, vəzifə:_______   ______________________________________

Təmsil etdiyi təşkilat:__________________  ______________________________________



Ünvan:________________________________


Telefon:______________________________



faks:_________________________________


E-mail: _______________________________


müəllif:______________________________



Məlumatın adı :___________________ ______________________________________



Təşkilat komitəsinin ünvanı:

Аz 1001, Bakı şəhəri, N.Rəfibəyli küçəsi 9

AMEA RSXM , e-mail:  science@azeurotel.com.

Təşkilat Komitəsinin rəhbəri, AMEA RSXM-in Baş direktoru     


geol. min.-elmlər doktoru Qurban Cəlal oğlu Yetirmişli